05 may 2023-cü il
"Sən elə bir zirvəsən..." adlı bədii qiraət müsabiqəsi
05 may 2023-cü il tarixdə Azərbaycan Respublikasının Mədəniyyət Nazirliyi və Azərbaycan Teatr Xadimləri İttifaqının təşkilatçılığı ilə keçirilmiş müstəqil Azərbaycan dövlətinin qurucusu, Ümummilli lider Heydər Əliyevin 100 illik yubileyinə həsr olunan "Sən elə bir zirvəsən..." adlı bədii qiraət müsabiqəsinin nəticələri elan olundu.
Müsabiqədə 11 iştirakçı çıxış edirdi. Münsiflər heyətinin qərarı ilə «Sən elə bir zirvəsən...» bədii qiraət müsabiqəsinin nəticələri aşağıdakı kimi müəyyən edildi:
I yer – İzaməddin Bağırov (Sumqayıt Dövlət Dram Teatrı) – diplom və 500 (beş yüz) manat pul mükafatı;
II yer – Xanirə İsgəndərova (Şuşa Dövlət Musiqili Dram Teatrı) – diplom və 400 (dörd yüz) manat pul mükafatı;
III yer – İlkin Mehdiyev (Azərbaycan Dövlət Akademik Rus Dram Teatrı) – diplom və 300 (üç yüz) manat pul mükafatı.
Münsiflər heyətinin xüsusi diplomuna layiq görülənlər:
Xalidə Şərifova (Azərbaycan Dövlət Gənc Tamaşaçılar Teatrı) – diplom və 250 (iki yüz əlli) manat pul mükafatı;
Rəşad Səfərov (Azərbaycan Dövlət Gənc Tamaşaçılar Teatrı) – diplom və 250 (iki yüz əlli) manat pul mükafatı;
Şölə Alışova (Naxçıvan Dövlət Milli Musiqili Dram Teatrı) – diplom və 250 (iki yüz əlli) manat pul mükafatı;
Saleh Əzimzadə (Lənkəran Dövlət Dram Teatrı) – diplom və 250 (iki yüz əlli) manat pul mükafatı.
Anar Əhmədov (Ağdam Dövlət Dram Teatrı) - İştiraka görə diplom və 200 (iki yüz) manat pul mükafatı;
Yusif Həsənov (Qazax Dövlət Dram Teatrı) - İştiraka görə diplom və 200 (iki yüz) manat pul mükafatı;
Qaçaq Qarayev (Füzuli Dövlət Dram Teatrı) - İştiraka görə diplom və 200 (iki yüz) manat pul mükafatı;
Ramella Rzayeva (Qusar Dövlət Ləzgi Dram Teatrı) - İştiraka görə diplom və 200 (iki yüz) manat pul mükafatı.
