17 may 2023-cü il
Xalq artisti, professor Azər Paşa Nemətovun qəbrüstü ziyarəti
17 may 2023-cü il tarixdə görkəmli rejissor, Xalq artisti, professor Azər Paşa Nemətovun qəbri ziyarət olundu. Ziyarətdə Azərbaycan Teatr Xadimləri İttifaqının, Akademik Milli Dram Teatrının nümayəndələri, sənətkarın doğmaları, dostları iştirak etdilər.
Ustad rejissorun qəbrinə gül dəstələri düzüldü, ruhuna dualar oxundu. Mərasimdə çıxış edənlər - Xalq artistləri Hacı İsmayılov, Bəsti Cəfərova və Rafiq Əzimov Azər Paşa Nemətovun zəngin ömür yolundan danışdılar, onunla bağlı xatirələrini bölüşdülər. Sonda Azərbaycan Teatr Xadimləri İttifaqının sədr müavini Hacı İsmayılov mərasim iştirakçılarına təşəkkürünü bildirdi. Allah rəhmət eləsin.
