06-09 mart 2023-cü il
«BAXIŞ -3» festivalı
06-09 mart 2023-cü il tarixlərdə Azərbaycan Teatr Xadimləri İttifaqında fəaliyyət göstərən laboratoriyaların «BAXIŞ -3» festivalı keçiriləcək.
Festivalın keçirilməsində əsas məqsəd 4 ay ərzində laboratoriyada məşğul olan gənclərin mənimsədikləri bilik və bacarıqları nümayiş etdirmək, onları yeni axtarışlara ruhlandırmaq və teatr məkanında baş verən yaradıcılıq proseslərini fəallaşdırmaqdan ibarətdir.
«BAXIŞ-3» festivalında «Rejissor», «Aktyor» və «Eksperimental teatr» laboratoriyalarının işləri təqdim olunacaq. 4 gün davam edən festival çərçivəsində 8 tamaşa nümayiş olunacaq. Tamaşalar Azərbaycan Teatr Xadimləri İttifaqının böyük və kiçik səhnələrində göstəriləcək.
