04 mart 2024-cü il
"BAXIŞ - 4" festivalı başladı
Azərbaycan Teatr Xadimləri İttifaqında fəaliyyət göstərən laboratoriyaların "BAXIŞ - 4" festivalı başladı.
Tədbiri İttifaq Sədrinin vəzifə səlahiyyətlərini icra edən, Xalq artisti, Dövlət mükafatı laureatı Hacı İsmayılov açdı.
O, tamaşaçıları və iştirakçıları salamladı, festivalın əhəmiyyətindən danışdı. Sonra "Rejissor" laboratoriyasında hazırlanmış "Gözəllik kraliçası" (Martin Makdonal) tamaşası təqdim olundu. Tamaşanın quruluşçu rejissoru Könül Şahbazova, musiqi tərtibatçısı Qurban Əhmədovdur. Rolları Gülər Ləzgiyeva, Sovqat Səmədova, Mehman Piriyev və Toğrul İsabəyli ifa etdilər.
