16 oktyabr 2022-ci il
«Sərhədsiz teatr» layihəsi çərçivəsində növbəti səfər
Azərbaycan Teatr Xadimləri İttifaqının «Sərhədsiz teatr» layihəsi çərçivəsində növbəti səfər Mingəçevir şəhərinə oldu.
Mingəçevir Dövlət Dram Teatrının kollektivi ilə görüşən İttifaq nümayəndələri Dağlar Yusifov və Elvin Rüstəmli teatrın aktrisası Elmira İbrahimovanı milli teatr sənətinin inkişafındakı xidmətlərinə görə və 65 illiyi münasibəti ilə İttifaqın Fəxri Fərmanı ilə təltif etdilər, həbelə İttifaqa yeni qəbul olunmuş teatrın direktoru Anar Quliyev, aktyorlar Firuz Hacıyev və İlqar Rəhimova üzvlük biletlərini təqdim etdilər.
Görüşdə teatrın problemləri dinlənildi və gələcəkdə əməkdaşlıqla bağlı söhbət aparıldı.
