08 aprel 2024-cü il
Ağdam Dövlət Dram Teatrının "Tor" (Təranə Məmməd) tamaşası
Azərbaycan Respublikasının Mədəniyyət Nazirliyi və Azərbaycan Teatr Xadimləri İttifaqının təşkilatçılığı ilə keçirilən "QONAQ TEATR" layihəsi çərçivəsində Ağdam Dövlət Dram Teatrının "Tor" (Təranə Məmməd) tamaşası göstərildi. Tamaşanın quruluşçu rejissoru Kərim Həsənovdur.
Tamaşadan öncə Azərbaycan Teatr Xadimləri İttifaqı Sədrinin vəzifə səlahiyyətlərini icra edən, Xalq artisti, Dövlət mükafatı laureatı Hacı İsmayılov qonaqları salamladı, Ağdam Teatrının keçdiyi çətin və şərəfli yoldan danışdı. Teatrın kollektivinə uğurlar arzulayan Hacı İsmayılov çıxışından sonra səhnəni aktyorlara verdi.
Alqışlarla qarşılanan tamaşadan sonra səhnə əsərinin müəllifi Təranə Məmməd tamaşanın orijinal ədəbi materialına görə, rejissor Kərim Həsənov 35 illik səhnə fəaliyyətinə görə, teatrın direktoru Məhəmməd Hüseynov Ağdam Dövlət Dram Teatrında səmərəli fəaliyyətinə görə İttifaqın Fəxri fərmanı ilə mükafatlandırıldılar.
