2-5 noyabr 2021-ci il
«Qalib olan Azərbaycan» tamaşalar festivalı
Azərbaycan Respublikasının Mədəniyyət Nazirliyi və Azərbaycan Teatr Xadimləri İttifaqının təşkilatçılığı ilə 2021-ci ilin 2-5 noyabr tarixlərində 44 günlük Vətən Müharibəsində Şanlı Qələbəmizin ildönümünə həsr olunmuş “QALİB OLAN AZƏRBAYCAN” adlı tamaşalar festivalı keçiriləcək.
Tarixi hadisəyə həsr olunmuş festivalın keçirilməsində əsas məqsəd Ali Baş Komandanımızın rəhbərliyi ilə Müzəffər Ordumuzun göstərdiyi qəhrəmanlığı, qalib Azərbaycanımızın tarixində əbədi qalacaq Zəfərə doğru gedən çətin və şərəfli yolu əks etdirən dramaturji nümunələrin sayını artırmaq, milli mədəniyyət məkanında baş verən yaradıcılıq proseslərini fəallaşdırmaqdan ibarətdir.
