30 yanvar 2018-ci il
Tofiq Kazımov - 95. Yubiley gecəsi
Azərbaycan Respublikasının Mədəniyyət və Turizm Nazirliyi, Teatr Xadimləri İttifaqı və Akademik Milli Dram Teatrının təşkilatçılığı ilə 30 yanvar 2018-ci il tarixdə görkəmli teatr rejissoru, Xalq artisti Tofiq Kazımovun anadan olmasının 95 illiyi qeyd edilmişdir. Tədbirdə görkəmli sənət adamları, ziyalılar, media nümayəndələri və sənətkarın doğmaları iştirak etmişlər.
İştirakçılar Akademik Milli Dram Teatrının foyesində Dövlət Teatr Muzeyi tərəfindən təşkil olunmuş sərgi ilə tanış olmuş, Tofiq Kazımovun ömür yoluna həsr olunmuş foto və video çarxlara baxmış, görkəmli sənət adamlarının rejissor haqqında fikirlərini dinləmişlər.
Tədbirdə çıxış edənlər – Akademik Milli Dram Teatrının bədii rəhbəri-direktoru, Xalq artisti, professor Azər Paşa Nemətov, Xalq artisti, Dövlət mükafatı laureatı Hacı İsmayılov, Xalq artisti Rafiq Əzimov, Sənətşünaslıq üzrə elmlər doktoru, professor İlham Rəhimli Tofiq Kazımov sənəti haqqında dəyərli fikirlər söyləmiş, onunla bağlı xatirələrini bölüşmüşlər.
Tədbirin sonunda Akademik Milli Dram Teatrının aktyorlarının ifasında «Ölülər» tamaşası göstərilmişdir.