26 dekabr 2021-ci il
Abdulla Şaiq adına Azərbaycan Dövlət Kukla Teatrının 90 illik yubileyi
Tədbirdə Azərbaycan Respulikası Mədəniyyət Nazirliyinin, Azərbaycan Teatr Xadimləri İttifaqının nümayənədələri, görkəmli sənət adamları, ziyalılar, media nümayəndələri iştirak etdilər.
Çıxış edənlər Kukla Teatrının tarixindən və bu günündən danışdılar, yubiley münasibəti ilə kollektivi təbrik etdilər.
Azərbaycan Respublikasının Mədəniyyət Nazirliyi tərəfindən 4 nəfər Nazirliyin Fəxri fərmanları ilə mükafatlandırıldı.
Azərbaycan Teatr Xadimləri İttifaqının sədr müavini Hacı İsmayılov teatrın kollektivini təbrik etdi və teatrın 11 əməkdaşına – Mansurova Səriyyə Mansur qızı (aktrisa), Rəhimov Rəhim Məmməd Hüseyn oğlu (aktyor), Abbasquliyev Elnur Mais oğlu (aktyor), İbrahimov Cavid Zəfər oğlu (aktyor), Ağayeva Aygül Asəf qızı (aktrisa), Həsənli Araz Ruslan oğlu (aktyor), Məmmədov Anar Ramiz oğlu (quruluşçu rejissor), Yaqubova Rəvanə Ağaməli qızı (quruluşçu rəssam), Təhməzov Məmmədşah Kərim oğlu (rejissor asissenti), Sarıyev Nahid Müstəcəb oğlu (maketçi) və Məlikova Gülər Qaramirzə qızına (inzibatçı) İttifaqın Fəxri fərmanlarını təqdim etdi. Teatrın yaradıcı heyəti bayram əhval-ruhiyyəli proqramla tamaşaçılar qarşısında çıxış etdi.