>
previous arrow
next arrow
Slider
 
 
    Əziz dostlar!
 
    Qafqazın ən qocaman yaradıcılıq təşkilatı olan Azərbaycan Teatr Xadimləri İttifaqının teatrittifaqi.az saytında hamınızı xoş gördük.
    2013-cü ildən fəaliyyətə başlayan saytın yaradılmasında məqsəd qurumun keçdiyi inkişaf yolu barədə sizə ətraflı məlumat verməkdən ibarətdir. Azərbaycanın teatr aləmi ilə dünya ölkələrini daha yaxından tanış etmək və İttifaqın beynəlxalq əlaqələrini daha da genişləndirmək məqsədi ilə 2020-ci ildən etibarən saytın yeni variantı yeni dizaynda və 3 dildə təqdim olunur. Azərbaycan, rus və ingilis dillərində tərtib olunmuş sayt İttifaqın tarixinin vacib məqamlarını və bu günki fəaliyyətini özündə əks etdirir.
    1897-ci ildə "Artistlər İttifaqı" adı ilə yaranmış birlik 1917-ci ildən "Müsəlman Artistlər İttifaqı", 1920-ci ildən "Türk Aktyorlar İttifaqı", 1945-ci ildən "Azərbaycan Teatr Cəmiyyəti" kimi fəaliyyətini davam etdirmiş, 1987-ci il 27 fevral tarixli təsis Konfransının qərarı ilə "Azərbaycan Teatr Xadimləri İttifaqı" adlandırılmışdır. Özünün zəngin tarixi boyu müxtəlif adlar altında fəaliyyət göstərsə də, yarandığı vaxtdan bu günə qədər İttifaq bir məqsədə - milli teatr sənətimizin inkişafına və təbliğinə xidmət etmişdir.
    Şərəfli inkişaf yolu keçmiş Teatr  Xadimləri İttifaqına Azərbaycanın müqtədir sənətkarları başçılıq etmiş, onların rəhbərliyi ilə İttifaq zəngin təcrübə əldə edərək, fəaliyyətini dövrün tələblərinə uyğun qurmuşdur. 
    Ötən əsrin 50-ci illərindən etibarən teatr prosesinə və onun inkişafına təkan verən, güclü potensiala malik bir təşkilat kimi formalaşan qurum bu gün beynəlxalq münasibətlər sahəsində də zəngin təcrübəyə malikdir. İttifaq Beynəlxalq Teatr İttifaqları Konfederasiyasının və UNESKO-nun Beynəlxalq Teatr İnstitutunun üzvüdür. Saytın "Beynəlxalq əlaqələr" bölməsində bu barədə ətraflı məlumat verilib.
    Habelə ayrı-ayrı bölmələrdə teatr prosesinin daha da fəallaşmasına yaradıcı təsir göstərən layihələrin həyata keçirilməsi, mədəniyyətlə bağlı dövlət qurumları, yaradıcılıq birlikləri 
 
 

və ittifaqları, elm və təhsil ocaqları ilə mövcud qanunvericilik əsasında əlaqələr, gənclərlə iş, yubileylərin, anma günlərinin keçirilməsi, böyük və kiçik səhnələrdə tamaşalar hazırlanması, nəşriyyat işinin həyata keçirilməsi və s. istiqamətlərdə İttifaqın fəaliyyəti haqqında geniş informasiya təqdim olunub.
    Saytdakı məlumatların teatr sənəti sahəsində çalışan hər kəs üçün olduqca maraqlı və gərəkli olacağına şübhə etmirik. İnanırıq ki, teatrittifaqi.az saytı tərəfinizdən maraqla qarşılanacaq və tezliklə çox sayda izləyici toplayacaq.
 
 
 

 

  • 1

Xəbərlər

  • 1
  • 2
  • 3
  • 4
  • 1
  • 2
  • 3
  • Azərbaycan Teatr Xadimləri İttifaqı ölkəmizdə fəaliyyət göstərən ən fəal yaradıcı təşkilatlardan biridir.

  • Milli teatr prosesində fəal iştirak edən İttifaq tarixi ənənəsinə sadiq qalaraq, bu gün də mütəmadi şəkildə yaradıcılıq gecələri, görüşlər, xatirə…
  • Özünün əsas vəzifəsini teatr prosesini canlandırmaqda, bütün yeni başlanğıclara təkan verməkdə, milli teatr sənətimizi çağdaş dünya teatr prosesinə qovuşdurmağa çalışmaqda…
  • Azərbaycan Teatr Xadimləri İttifaqı dünyanın nüfuzlu teatr qurumlarının: YUNESKO-nun Beynəlxalq Teatr İnstitutunun və Beynəlxalq Teatr Xadimləri İttifaqları Konfederasiyasının həqiqi üzvüdür.
  • 1

Y

Yagizarov Hacı Murad Hacı Əhməd oğlu, aktyor.

18 iyul 1939-cu ildə anadan olub. 1963-cü ildən İttifaqın üzvüdür.

 

Yaqubov Şıxı Şirin oğlu, aktyor.

03 mart 1951-ci ildə anadan olub. 1990-cı ildən İttifaqın üzvüdür.

 

Yaqubov Həsən İbrahim oğlu, aktyor

03 mart 1960-cı ildə anadan olub. 1997-ci ildən TXİ-nın üzvüdür.

 

Yaqubova Afət Vaqif qızı, aktrisa.

20 aprel 1976-cı ildə anadan olub. 2018-ci ildən İttifaqın üzvüdür.

 

Yaqubova Ella İsmayıl qızı – aktrisa.

30 dekabr 1946-cı ildə anadan olub. 1989-cu ildən İttifaqın üzvüdür.

 

Yaqubova Mahirə Mehdi qızı – aktrisa, pedaqoq.

4 dekabr 1954-cü ildə anadan olub. 2018-ci ildən İttifaqın üzvüdür.

 

Yəhyayev Elgün Hafiz oğlu, aktyor

3 yanvar 1987-ci ildə anadan olub. 2018-ci ildən İttifaqın üzvüdür.

 

Yusifov Akif Əli oğlu, aktyor

08 iyul 1948-ci ildə anadan olub. 1981-ci ildən İttifaqın üzvüdür.

 

Yusifov Dağlar Ziyad oğlu

1 may 1996-cı ildə anadan olub. 2019-cu ildən İttifaqın üzvüdür.

 

Yusifov Möhtasim Seyidəzim oğlu, aktyor

11 sentyabr 1950-ci ildə anadan olub. 2003-cü ildən TXİ-nın üzvüdür.

 

Yusifova Faqimə Niyaz qızı – aktrisa.

5 may 1953-cü ildə anadan olub. 1981-ci ildən İttifaqın üzvüdür.

 

Yusupova Şükufə Mühəddin qızı, aktrisa

30 may 1954-cü ildə anadan olub. 1978-ci ildən İttifaqın üzvüdür.

© Copyright 2019, Azərbaycan Teatr Xadimləri İttifaqı